Tônd nonga naag-taabâ zêedâ maanego, bala, a yaa nana, tônd sên tar bulg la giryaasâ, tônd tôe n sônga taaba.

Zîigâ seglg n da yaa tùùm-toogâ, la tônd naaga taab n tùm n maneg zîigâ n maan zêedâ.    Mam gûuda ne yâgb n dat n wob d naag-taab zê-pùùgâ.

Mam sôsa ne m yagsâ la tônd zoe n tara yam-yâkr ti naag taab n maan zê-pùùg a yembre sên yaa yalemgo, t’a zâabâ yi nana la a yi sôma la a tall yôodo.

Mam sûur yaa noog m sên paam zê-pùùgâ, bala a kêesa maam yôod wùsgo. Mam pipi wobrâ loogr zugê, mam yâka yam n sel papae tiiga.

Mam tôog n koo zêedo, la m le tôog n koos-a. Mam tara ligd sên sekd mosâ m sâ n dat n da zê-biisi.

Mam zê-pùùga sôngda maam ti m segend ri-sông daar fâa n kôt m kambâ. Mam na n kenga taoor ne zêedâ maaneg la m yalg m zê-puugâ n paase.